مصطلحات كويتية تضحك
الطنازه : غريزه فطريه اساسيه عند
الكويتيين
ستاربكس : كافيه تلقاه في اي داعوس بهالديره
غراس
: مشروع توعوي اثبت وجوده
الرجيم : نظام غذائي اثبت فشله
بالكويت
المرينا : نموذج مصغر لدولة الكويت
الطلعه : مصطلح
استبدل بكلمة قز .. والقز هوايه محببه للشعب
الكويتي
نام ابمردانه:
يعني عباره عن انه تشاجر معه وطرحه أرضا واشبعه ضربا
مثال طافتك الهوشه خلووود
نام ابمردان جسووووووم
امجحلف : مثال فلان يده امجحلفه اي
تراكمت عليها الاوساخ وبدا عليها الاسوداد
امذوي : وتطلق غالبا
على الفواكه والخضروات القديمة التي ذهبت عنها نضرتها وحيويتها اي
ذابله
عوع : وهي كلمه ينطقها اللسان للتذمر فعندما يتذمر الشى من
امر يقول عوع بس يمدها اكثر مثال عوووووووووووع او وحده تقول لزوجها بس خلاص
عووووووووع ما ابيك
لغمص : مثال فلان لغمص يده بالطين اي لوثها بالطين
فاتسخت وصارت ملغمصه وساعات ايضا فلان لغمص السالفه بمعني خلطها غلى بعضها وضيع
معناها اوغير مجراها
سوجري : وهي تسميه للسروال المعروف لدي الكويتين
والذي يصل طوله الى ما فوق الركبتين ويسمي سروال سوجري ومن الاحتمالات انه هالكلمة
جاءت من الكلمة الانجليزيه سولجر بمعني جندي لانه قديما الجنود الانجليزي كانوا
يلبسون نفس هذا السروال من سوجري صار الحين برموده والله فرق
اثرم : هو
من سقطت اسنانه الاماميه ففقدها فيقال فلان اثرم او فيه اثرمه الحمد الله والشكر
يعني لما تشوفون واحد اقول ثلام عليكم ثـلونكم ثخباركم عثاكم ذينين
درعم
: مثال فلان درعم عليهم اي دخل عليهم فجأة يعني مثل اقتحم عليهم المكان من دون
استئذان نفس الشباب بس يبون يدعرمون اماكن العائلات
موضوع: مصطلحات كويتيه 
الجمعة نوفمبر 28, 2008 6:10 pm
